قول عادي بالي الليله طويل
قول عادي بالي الليله طويل
شوف لك عذر(ن) قديم واقبله
لاتحاتي قلبي متعود يشيل
الجروح اللي تجيله مقبله
طيبتي صارت مثل كف البخيل
اي شي طايح تشوفه تحمله
ومو غريبه اني الليله عليل
الحزن يحسبني واحد من هله
ومو غريبه لو تمنيت الرحيل
البقاء احــيان يعني البهذله
في غيابك ماله الضيقه مثيل
وربي اللي مايشاء يفعــله
من يلاقي بدنيتي هذي بديل
خله يجيني اي شخص ابدله
وعيب راسي لابغى شي مستحيل
يوصله مو طيب غصب(ن) يوصله
ليه راجع ليه ذاكر ياالاصيل
انت ضايق في خطا في المسأله
وليه تبكي من كلامي يادخيل
المشاعر مالها بقلبك صله
والبلاء ان حب رجل(ن) ثقيل
ينسى من حوله ويسمع مذهله
ومن عرفتك حظي العاثر يميل
اعترفلك اني عــاجز اعدله
فاقد الاحساس مايعطي الكثير
وان عطيته احساس قلبك يقتله
ايه ابرحل والطريق ادري طويل
مشكله قربك وبعدك مشكله
وان خذاني الموت اترك قال وقيل
قول هالجمله وخطاك محلله
ربي الهم اهله الصبر الجميل
وارحمه يارب واحسن مدخله
الرئيسية 
