المعادلة صعبة للشاعر مشاري الشليمي


يهزني لك حنين ٍ ما تحملته
حتى تطيح الدموع و تنشف أهدابي




و الشوق ما عمر قلبي جاوب أسألته
يا ليت تدري غيابك و يش سوا بي



طعم الأغاني بـ بعدك ما تقبلته
لا الشعر شعري ولا الإعجاب إعجابي



و الحلم قدام عيني طاح ما شلته
مافيه أقسى من إني أفقد أحبابي



القلب من بعدما الأشواق أشغلته
كنه يبث الحزن و يطيـّـر أسرابي



القلب خسران في بعدك معادلته

لا زاد عني غيابك .. زدت بـ عتابي

فيني حكي عن غيابك بس ما قلته
تعال ناظر عيوني وإنت أدرى بي


كف المواصل فـ بعدك كم توسلته
ياخذني يمك أو يجيبك على بابي


يا كثر ما جيت في بالي و شاغلته
و يا كثر ما أحسب و لجلك ضعت بـ حسابي


جرح المفارق حبيبي كيف حللته
من بعد ما كنت لي أقرب من ثيابي


قلي وش اللي قدرته بس ما طلته !
كل ما أشوف الأمل .. أفتحه له أبوابي


كل شي يمكن يجيبك لي حاولته
حتى ولو في مسيري زادت أتعابي

شكرااا لك موضوع مميز حسين بانتظار مزيدك يا مبدع

َشكًرا َلكًَ #