يوميات شهيد (اهداء الى ثورة 25 يناير)

يوميات شهيد
الحلقة (الاولى)(ولادة متعثرة)
الحادى عشر من اكتوبر سنة 1981
اية يابو حسن الست سميرة ولدت ولا لسة
رد ابوحسن الريس حسنين مقاول الانفار باحد شركات الاسكندرية :لسة واللة ياحلجة انعام الولادة موش عايزة تم وسميرة تعبانة اوى
ردت انعام طب انت رايح فين دلوقتى
رد حسنين رايح اشوف الحكيمة الى فى الوحدة الصحية تيجى تشوفها ام ربيع الداية موش عارفة تولدها
قالت انعام بس انت عارف ان فية حظر تجول فى البلد حاتروح فين دلوقتى
قال حسنين لو ماروحتش الولية والى فى بطنها حايروحى منى
وذهب حسنين غير مباليا بحظر التجول الى منزل الحكيمة فى المنطقة المجاورة وكان يقول استرها يارب هو يوم باين من اولة الريس محمد انور السادات مات ومراتى حاتحصلة والدنيا بايظة والى جاى موش عارفين حايكون اية السادات ادينا عرفناة من زمان اما الى جاى جاى بحظر من اولها
ووصل حسنين الى الحكيمة وفتحت السيدة عطيات الحكيمة الباب قائلة خير ياعم حسنين
رد حسنين ام حسن بتولد وعايزينك ام ربيع الداية معاها بس موش عارفة تولدها
قالت عطيات طب انا جايا معاك
وذهبت الجكيمة ودخلت البيت ثم الى غرفة الموجود بها ام حسن ووقف حسن البالغ من العمر 13 عاما بجانب ابية واختين هنية 5 سنوات وعواطف 8 سنوات منظرين القادم فى ولادة متعثرة الى ان جائت صرخة المولود فى الدنيا الرابعة فجرا والاذان يكبر الله اكبر وعندما سمع حسنين الاذان قام وصلى الفجر ودخل الى ابنة لتسألة عطيات حاتسمية اية يابوحسن رد حسنين بلال مؤذن الرسول والمسلمين صوت الاذان عطانى اسم لية وامتلئت الزغاريد فى البيت والجيران يقولون ايى الواد دة وشة فقر جة من هنا والريس جة من هنا وقالت احدى الجارات ماتزرغتوش دا الريس مات ردت الست هنية والدة حسنين مالى يموت يموت بلاش نفرح بابننا بكرة ابننا يبقى احسن من السادات (كان لها نظرة ) لقد كانت فعلا ولادة متعثرة ولكن ولادت مصر غير مصر لم تكن متعثرة ففى غضون ايام نصب نائب الرئيس محمد حسنى مبارك رئيسا للجمهورية باستفتاء شعبى واخذ يلقى باول خطاب فى بمجلس الشعب .
جلس جميع افراد الاسرة يستمعون الى الخطاب وقالت سميرة هو يعنى اية استفتاء يابو حسن رد حسنين اظاهر كدة ان الحكومة اتفقت على الراجل دة قالت سميرة انت حاربت يابوحسن فى حرب اكتوبر بيقولوا انه كان قائد عظيم فى الحرب رد ابوحسن طبعا كان قائد سلاح الطيران ولكن العظيم بعد الله والشهداء هو السادات وفية كتير زى سعد الدين الشاذلى وغيرة بس موش عارف السادات عين دة نائب لية لية؟ يمكن عشان بيحبة او يمكن كان مطيع لية فى كل حاجة اللة اعلم حايغمل فينا اية الراجل دة ؟
ردت سميرة اكيد حايبقى كويس انا سمعت انه فلاح من الفلاحين يعنى اكيد حاسس بالناس الغلابة
فقال حسنين اللة اعلم النفوس بتتغير يام حسن
رد حسن هو ممكن اكون رئيس جمهورية يابا ؟
رد الاب : ممكن يا حبيبى بس لو دخلت الجيش ؟
فاوماء حسن براسة وقال : حادخل الجيش ياحاج وحاشرفك وحابقى ضابط احسن من اى ظابط احسن من الراجل الى بيتكلم دة
فقال حسنين على الله يابنى انى اشوفك احسن منة ؟
ذهب حسنين الى المقهى الموجود بالقرية ووجد هناك بعض اصدقائة الذين كانوا على دراية بالحياة السياسية فكانة كل كلامهم عن السياسة لما اتى حسنين قام احدهم وهو جابر وقال لة اية ياعم حسنين مبروك ماجالك ومبارك الى جالنا فضحك حسنين وقال واللة ماعارف الراجل دة حايكون اية وضعة بالضبط طوارىء وجيش ودبابات وكمل احد الجالسين وهو محسن وناس بتتمسك ومعتقلات اتفتحت بعد ماالسادات هدها رد شخص اخر وهو ابراهيم ابن عم حسنين : عندة حق ياعم خلية يلم الى قتلوا الريس الله يرحمة فرد جابر والله تلاقية هو الى سلط علية يعنى هو والسادات كانوا كتف فى كتف والسادا يموت وهو لأ موش غريبة دى والناس الى بتدخل المعتقلات مبيكتبش عنهم حاجة لية الحكاية كلها ملخبطة

رد ابراهيم والله اكيد حايكون احسن منة دا السادات ورانا ايام سودا خلى ناس تركب على ناس ونشر الجماعات الارهابية فى البلد خلية يلمهم ويريحنا منهم وبكرة تشوفوا الراجل دة حايعمل اية فى البلد .
ضحك جابر وقال حايخربها اكتر ماهى مخروبة
فرد حسنين بقولوكوا اية بلاش طلام فى السياسة لنتاخد احنا كمان وخلينا نربى عيالنا
فقال محسن ماهو هو دا الى مرجعنا ورا ياابوحسن الاراء السلبية
فرد حسنين بقولك اية ياعم انت وهو انتم شوية متعلمين وعمالين تتكلموا كلام كبير عليكم وبكرة تخشوا المعتقلات خالو الراجل يشتغل وبعد كدة ابقوا اتكلموا.
ووقف حسنين وقال انا رايح انام عشان عندى شغل سلام تصبحوا على خير
وتمشى حسنين وهو لايقدر ان يمنع نفسة عن التفكير فيما قيل حول مبارك والبلد الى اين ذاهبة هل الى الاصلاح والتعمير والدحل الكثير ام الى الوراء والمزيد من الجوع لقد عاش فى فترة حظر التجول فى حالة ضيق من قلة العمل فماذا الان
ووصل الى البيت ودخل غرفتة ونااااام
وهنا اعزائى القاراء لقد انتهت حلقتنا الاولى من يوميات شهيد والى اللقاء فى حلقات اخرى

بارك الله فيك علي الموضوع

ششككررًاأأ لممروؤوركك الممييز

موضوع جميل جد

ششككررًاأأ لممروؤوركك الممييز

شكرا على الموضوع

ششككررًاأأ لممروؤوركك الممييز

شكرا الك

جزاك الله كل خير

شكرااااااااااااااااااااااااا على الموضوع الرائع